山巒起伏 曲線迷人

人們常用攀山涉水嚟形容一啲好辛苦嘅事,只係有啲山不但玩極都唔厭,過程更係引人入「性」添!事關今次所講嘅山及Mountain,其實同男女性愛有莫大關係。究竟有乜嘢情色詞語會同佢哋有關呢?想知就要留意以下嘅介紹喇!

Mountain Top 山頂之誘

按常理嚟講,「Mountain Top」有山頂嘅意思,只係喺情色俚語中,佢卻係另有所指,意思就係解做女性胸前兩點。其實想理解佢點解會有咁嘅意思一啲都唔難,事關女性雙子峰猶如兩座山,當中嘅山頂即係兩粒迷人提子。提起雙子峰上嘅提子,究竟佢平均尺寸可以有幾大粒呢?據統計顯示,女性嘅提子平均尺寸為6.79毫米,其中最長嘅則可達一個手指節添!另一方面,有人話提子嘅顏色係同性生活頻密程度有關,其實呢種講法係錯嘅。事關佢嘅顏色係同人體嘅色素有關,而女性嘅生理周期、服食及使用嘅藥物及年齡等,都可以影響到顏色。

Climbing the Mountain 攻陷巨山

如果有外國男士話你知,佢好鍾意「Climbing the Mountain」,千祈咪咁天真以為佢好鍾意爬山,查實佢可能係指鍾意同身材巨型嘅肥胖女性喺床上曳曳。大家咪以為肥胖身形嘅女性冇人鍾意,查實佢哋不知幾咁受歡迎,就連美國四仔亦有個名為「Big Beauty Women」(簡稱BBW)嘅重磅脫星系列。講到當中嘅人氣脫星,則唔可以唔提今年39歲,身高5呎2吋,體重達160磅嘅April Flores。呢位喺2006年出道嘅脫星,憑住獨特嘅外形及魅力,先喺2010年嘅FPA頒獎禮中獲得最令人心跳脫星,其後喺2013、2014及2015年嘅AVN頒獎禮中,成為年度BBW脫星三連霸,足見呢位身材圓潤嘅脫星幾咁有人氣。

《Bi-Back Mountain》 背山偷食

須知道美國四仔好鍾意抽一啲經典電影嘅水,內容更係極盡惡搞嘅能事,好似呢套喺2006年由四仔片商All Worlds Video推出嘅《Bi-Back Mountain》咁,就擺明狂抽《斷背山》(Brokeback Mountain)嘅水。既然話係抽水,內容梗係要向佢「致敬」啦!故事講述兩位「親密」男主角從外國返嚟,卻因為世俗眼光而要各自娶妻。正當兩人以為從此要分開之際,佢哋驚覺原來各自嘅老婆竟然係一對戀人,跟住落嚟嘅劇情相信大家都估到係點。呢套作品嘅陣容亦相當強勁,除咗由著名四仔導演Doug Jeffries執導外,更搵嚟Shy Love、Kelly Wells、Brad Star、Tommy Blade等索女型男脫星演出,配合埋出色嘅配樂,確係一套不可多得嘅佳作。

葉山麗子 爆紅一時

喺上世紀80年代嘅日本AV界,曾經有位女優紅極一時,佢就係今年46歲嘅葉山麗子。雖然呢位女優32、22、33嘅三圍數字唔算特別出色,但憑住純情及迷人嘅氣質,喺1984年演出電視劇《中學生日記》並從此開始演員生涯。可惜嘅係佢雖然跟住落嚟演出過唔少電視劇,但人氣卻一直冇突破。喺1988年時佢毅然投身AV界,不但引嚟哄動,同年9月推出嘅AV作品《處女宮》係佢代表作之餘,更成為AV界嘅經典作品之一。作品不但凸顯佢純情魅力,成熟女人味更令佢獲得極高人氣,令呢位當年失意於藝能界嘅女優,成功重返藝能界發展。其後佢慢慢淡出AV界,並先後參與多套電視劇、電影及舞台劇演出。2014年11月23日,佢同一位細佢6歲嘅圈外男士結婚。

撰文:魂