外國人話，以眼還眼，以牙還牙；而中國人就話，你做初一，我做十五。講法唔同，但意思都係一樣：以其人之道還治其人之身。嗱，淫賤黎成日煽動市民佔領呢度，佔領嗰度，搞到永無寧日，神憎鬼厭，點解受害者唔照辦煮碗，佔領淫賤黎屋企，佔領壹淫媒呢？
最近佔領行動令香港七國咁亂，損失慘重，表面上係佔中搞手及學生組織發起，其實明眼人都睇得出，淫賤黎至係幕後黑手。佢勾結外部勢力，企圖搞亂香港，顛覆內地，但就以「爭取民主」為名，迷惑咗部分市民尤其係青少年，成為政治炮灰。誤人子弟，罪大惡極，呢條數點計先！
唔係冤枉淫賤黎，佢早前被踢爆透過美國人之手向泛民秘密獻金，近日又被揭發曾向台獨分子取經，仲話要以學生及婦孺作前鋒添，證明佢係呢場亂局嘅始作俑者。唔怪得佔中行動一開始，淫賤黎就赤膊上陣，由幕後走到前台，上竄下跳，成個小丑咁。而爛果報更加係日日煽風點火，造謠生事，唯恐天下不亂。
不過咁，群眾眼睛係雪亮嘅。隨着淫賤黎勾結外部勢力搞亂香港嘅政治陰謀曝光，受蒙蔽嘅市民開始覺醒，唔理爛果報點樣呼籲「一起撐下去」，參與佔領行動嘅市民愈來愈少，場面愈來愈冷清，睇怕淫賤黎都唔撐得幾耐咯。呢，幾日來都有團體到將軍澳壹淫媒總部示威，聲討淫賤黎以黑金政治煽動學生上街，擾亂社會秩序，影響市民生計。有人向淫賤黎嘅黑白照片掟蘋果及上香，祝佢早抖；有人直接向淫賤黎撒溪錢，祝佢一路好走。
正所謂，剃人頭者，人亦剃其頭。淫賤黎禍亂香江，搞到民不聊生，遭市民聲討係應有此報，問題係，佢一向厚顏無恥，你有你抗議，佢有佢亂港，根本係嘥氣。所以話，對付呢種無恥之徒，最好嘅辦法就係以其人之道還治其人之身，好簡單，佔中受害者不妨齊齊圍堵淫賤黎屋企同埋壹淫媒總部，令佢都嘗試吓走投無路嘅滋味，咁先至係真正報應吖嘛。老實講，圍堵淫賤黎屋企同埋壹淫媒總部話都冇咁易，可能幾百人就夠嘅喇，到時睇吓佢又點樣死撐！
一句講晒，慶父不死，魯難未已。香港之所以淪落到咁嘅地步，就係因為妖孽為患，淫賤黎興風作浪，壹淫媒反中亂港，市民有好日子過至奇。咪話功夫茶唔提醒吖，斬草須除根，擒賊須擒王，如果當局唔趁今次機會徹底剷除禍根，將搞亂香港嘅幕後黑手繩之以法，就算佔中行動結束，日後隨時春風吹又生嘅咋！