渡海濠情：歡度蜜月 首選歐洲

瘋狂濕平

誠誠話：「如果我去度蜜月，一定要去歐洲，因為去得歐洲，行程一定唔會短，冇廿日都十日，時間長啲，玩都玩得開心啲，而且歐洲仲有好多教堂，我哋每入一間教堂，我就重新問新郎一次，你願唔願意？佢梗係會答我願意啦！一間半間冇乜特別，但去得十間八間，你就可以聽到佢喺唔同教堂嘅表白，諗起都覺得好冧。另外，山長水遠去到歐洲，當然除咗吃喝玩樂，掃貨都好緊要啦，乜嘢名牌嘅手袋、時裝、化妝品同埋高踭鞋，我都會大手吸納，因為自己着唔晒，用唔晒都好，都可以買返嚟轉售畀啲姊妹，隨時可以賺番一大筆添，所以唔揀歐洲，仲有乜嘢好揀，至於去拉斯維加斯，我真係接受唔到囉！因為同過澳門一樣，唔係食就係瞓，唔係瞓就係賭！好悶啫！」

努力造人

賭城裏面仲有好多精彩表演，絕對目不暇給，又點會悶呢？誠誠話：「嗰啲表演係就係好精彩，但係大多數都係適合美國觀眾嘅口味，我哋去到睇得明都未必識得笑，而且呢啲表演門票一啲都唔平，睇個演唱會隨時兩三千蚊港紙，仲要唔識佢係邊個，又知佢喺度唱乜！諗起都冇晒癮，唔好講拉斯維加斯，我去澳門都一樣，啲表演都未必適合我欣賞，所以除咗食，就係瞓，平時你去澳門兩三日，就冇所謂啫，因為頭一日行個圈，已可以同男朋友返酒店大戰連場，搞到攰晒就瞓足一日，第二日再買啲手信，就已經行程緊湊，但去十幾日，唔通日日『造人』咩！做得太多反而冇晒癮添，最後就焗住去賭，識得收手都好，但唔識得收手，隨時賣埋個老婆都唔得掂呀！」

誠誠Profile

年齡：20歲

三圍：34-24-34

撰文：小德

攝影：阿德