建材店滲漏部門鬥卸責
政府部門各有各說，令滲水事件頓變無頭公案！深水埗一個舊樓地舖，三年來兩度經歷滲水噩夢，相關部門皆未能確定滲水源頭，商戶最後要被迫搬舖，損失慘重。區議員直指事件反映部門各自為政，拖慢處理進度；專家則認為當局現有測試滲水方法落後，要求檢討。
劉先生於東京街一地舖經營建材生意，而閣樓則闢作陳列室，三年前曾受滲水困擾，幸獲上層單位業主主動協助，維修滲漏水管後才解決滲漏問題。不過，今年八月噩夢竟再重臨，不但天花滴水如雨、牆身發霉、石屎剝落至露出鋼筋、地面則布滿水窪，電線更完全滲濕，「連燈都開唔到，個showroom（陳列室）唔用得，完全做唔到生意！」
「搞嚟搞去搵唔到源頭」
面對店舖滿目瘡痍，加上樓上兩層單位業主早已遷出，劉只能再次向政府部門求助，可惜結果令他再次失望，「水務署啲人嚟睇兩睇就話唔關佢哋事，仲居然調番轉叫我畀滲水辦電話佢哋」。未幾，水務署將個案轉介至食物環境衞生署與屋宇署合組的滲水辦處理，惟事隔多月仍未有結論，劉最終因難抵滲漏困擾而忍痛搬舖，坦言損失慘重。
水務署發言人指出，今年十月中旬曾先後兩次在上址一樓及二樓單位進行水錶流量測試，結果顯示滲水源頭不涉及食水管，懷疑滲水與大廈外牆排水管破損有關，遂將個案轉介滲水辦跟進。
不過，滲水辦發言人卻稱，早在今年八月已接獲水務署轉介有關個案，曾到上層單位調查，發現該單位已空置多時，供水已被切斷，其後再到二樓單位進行色水測試，結果顯示滲水並非源自大廈主要排污管。其後該署獲悉滲水已停止並終止調查。
「擺明就係各有各講、完全冇溝通啦，連接收轉介嘅日子都有出入，依家仲搞嚟搞去都搵唔到個源頭，仲有冇滲水都唔關佢哋事！」劉先生不滿隸屬同一政府的部門竟完全缺乏溝通兼處事混亂，要求當局須認真檢討。
促當局制訂清晰指引
當區區議員梁有方指有關唐樓樓齡已逾五十年，出現滲水在所難免，加上個別舊樓常有業權混亂情況，令個案跟進時經常出現困難，「如果搵唔到樓上業主，又或者單位本身丟空，部門入唔到去查，大廈又冇法團負責維修，真係好難搞」，梁建議政府修例，考慮賦予滲水辦權限檢查大廈外牆。梁又認為當局有必要制訂清晰指引，加強部門間溝通，免令市民求助無門。
記者：阮佩君