政情：會計師公會選理事 「梁粉」趙麗娟料坐正

據悉，今屆理事會有多名「改革派」如鄭中正、龔耀輝等會計師參選，但由於理事會只有一半位置需要改選，加上理事會有四票由政府控制，就算多幾位改革派當選，都影響唔到大局。講番趙麗娟，其實佢唔單止支持梁振英做特首，喺今年九月仲支持林智遠出選會計界，係咪「梁營」中人就唔知，但話佢係「梁粉」就實無錯。

有會計界中人提醒，原來Susanna係新民黨中委，如果佢順利當選會長，過多幾年分分鐘出選立法會會計界議員，因為過去多位立法會議員，都曾經做過會計師公會會長，唔知新民黨主席葉劉淑儀知道呢個消息，有無開心到飛起呢。