水管狂滲漏隨時跣親人
學校雨水排水管嚴重滲漏，食物環境衞生署竟懵然不知！林小姐早前途經旺角白布街時，發現上址一間學校去水管嚴重滲漏，令行人路濕滑一片，差點滑倒跌傷，「啲水滴到好似水柱咁，食環署竟然睇唔到，真係離晒譜！」林指從水管濺出的水在地面留下大攤積水，「水氹」為行經途人製造陷阱。
食環署發言人證實，滲漏喉管為雨水排水管，用作排走學校天台雨水。由於有關學校天台水缸裝置破損，食水滿溢後直接排至去水管再流到行人路面。食環署已促學校負責人盡快進行維修，校方亦隨即着手跟進問題。
油尖旺區區議員及食物環境衞生委員會委員陳文佑狠批食環署失職，事件更反映與學校溝通不足，「條喉漏到咁好明顯係食環署工程質素差，出事先搵學校負責人就係無溝通！」