中環出更：湯顯明拍住拖跟大師學禪

本身係佛教徒嘅李焯芬話，香港人工作壓力大，好需要尋求心靈淨土。佢多年前與大師結緣，至今已經邀請大師訪港三次，今次講座都係港大百年校慶嘅前奏活動。禪師曾獲美國黑人民權領袖小馬丁路德金提名角逐諾貝爾和平獎，李焯芬亦讚揚大師係和平運動嘅長期推動者。

「拉人坐監都要有慈悲心」

講到大師嘅至理名言，王永平話感受最深刻嘅一句說話係：「拉人坐監都要有慈悲心」。湯顯明睇過禪師嘅著作，好認同佢嘅哲理。李焯芬就對禪師嘅暢銷著作《Anger》（憤怒）感受至深，佢話書中教人學習如何控制情緒，好啱香港人睇。

莊學山做主席嘅慈明佛學園地有份支持今次講座，佢與禪師結緣多年，今次出錢出力請大師訪港，都算對香港社會和諧出一份心力。

李焯芬夫婦（左一、二）同文化人又一山人夫婦（右一、二），致力推動今次講座。	生於越南、居於法國嘅一行禪師，信徒無數。	王永平單刀赴會，聆聽禪師教誨。

卓妮