政情：李明逵退休做煮飯公

好多人識煮嘢都係由留學時期開始，阿Dick都唔例外，當年喺英國讀書焗住自己煮飯食，久而久之就熟能生巧。佢笑稱，留學生之中識煮嘢食嗰個會有大把朋友，後來佢繼續享受入廚樂，因為專注煮嘢時忘記晒所有煩惱，仲可以減壓添！

依家阿Dick每星期約下廚兩、三日，佢嘅口味係多菜少肉同埋少油、鹽、糖，好彩太太口味同佢差唔多，所以冇投訴。阿Dick教路，少油唔代表食物一定好寡，可以落多啲香料搭夠。

雖然佢唔出書或開班授徒，但其實間中都會去中大、科大同學生交流一下烹飪心得，仲話今時今日後生仔多數唔識煮嘢，因為太依賴家庭，學煮嘢有助於訓練獨立添！