中環耳目：葉時忠歎黑松露小籠包

Clark話，佢哋近日忙於喺銅鑼灣崇光舉行嘅台灣美食巡禮活動，數之不盡嘅家鄉美食當前，不禁勾起佢哋嘅食欲，於是佢與負責客運嘅兩位副經理Andrew、Flora一齊嚟鼎泰豐醫肚。佢叫咗至愛嘅黑松露小籠包同埋原盅鮮雞湯，勁讚好食到不得了。尤其是矜貴嘅黑松露小籠包，香氣四溢，食後仲齒頰留香，係老饕必食之選。

鼎泰豐係台灣知名食肆，忠實擁躉遍布全球，連外國人都一試難忘。識飲識食嘅香港人去台灣旅行，例必去鼎泰豐歎餐飽，Clark知道香港人為食，所以趁機推銷台灣，話即使依家香港已經有好多台灣美食賣，但台灣有更加多正嘢等緊大家去發掘。