政情：陳仲尼自嘲唔夠「史」

鬥認開國元勳

阿Rock尋日提起訪問統戰部之行，心情仍然興奮，仲講笑話上咗一堂中國近代史。原來統戰部大樓內有一幅巨型油畫《共鑄乾坤》，畫了近五十名新中國開國元勳嘅肖像，阿Rock同青聯班兄弟姐妹即興鬥一番，鬥認畫中人物，初時大家都自信心爆棚，點知最後只係噏得出毛澤東、鄧小平、周恩來、朱德同宋慶齡幾個，無人噏得出超過十個，阿Rock自嘲返到香港要惡補吓中國近代史至得嘞！其實，香港人對開國元勳一般都比較陌生，阿Rock又唔使咁介懷嘅。

香港青聯一行約五十人拜訪統戰部前一日，獲「母家」全國青聯設宴歡迎，共青團中央書記處第一書記陸昊同常務書記兼全國青聯主席王曉出嚟宴請，可謂賓至如歸。