環境局局長邱騰華無做好從源頭減少固體廢物同回收再造工作，只係識得加建焚化爐同堆填區等厭惡性設施，遇到居民同政黨反對，又使橫手「抬」出律政司，質疑立法會無權廢法，企圖威逼議員轉軚，最後都係難逃被廢法嘅命運。民主黨議員甘乃威尋日喺立法會辯論堆填區法令時，狠批邱騰華處理固體廢物政策失職，制訂不受歡迎設施失誤，政治游說工作又失敗，名副其實係一名三失局長！
