- on.cc 東方互動主頁
- 4月7日 (一)
香港貧富懸殊差距擴大，觸發「仇富」、「仇商」情緒。作為銀行家嘅滙控亞太區行政總裁王冬勝，尋日喺港大經濟金融學院榮譽教授馬時亨主持嘅電視節目有感而發話，佢認同公司要盡量賺取最大利潤，但最重要係賺取利潤後要捐錢回饋社會，佢唔會理會或質疑公司參與善事背後嘅動機，亦唔能夠要求所有公司都有良好動機，只要幫到有需要嘅人就足夠。
肥亨仲親身向王冬勝求證○四年底突然辭去渣打銀行香港區行政總裁一職，係咪因為公司要裁員憤而辭職。王冬勝承認呢個講法有啲正確，因為佢唔同意喺節日前裁員，事件對佢辭職嘅決定造成一定影響。王冬勝仲透露自己擔任CEO嘅三個哲學，首要係聘請最好嘅人幫自己做事，其次係盡量喺市場上爭取市場佔有率，最後係將公司品牌做到最好，三個哲學係相輔相成。
王冬勝話：「做領袖要有長遠眼光，廣闊嘅胸襟同眼界，要對唔同事物都有認識，對形勢作出分析，但最重要係懂得運用人才，因為好下屬可以令自己更有動力，下屬做得好，自己亦會繼續提升自己。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
