- on.cc 東方互動主頁
- 4月3日 (四)
前天文台台長「黑英」林超英退休後，自嘲處於「退休後過度活躍期」，經常「送外賣」四出演講，最近又去咗中大教書講通識，喺地理學系開講氣候、能量、生命嘅課題，順便宣揚減消費同靈性生活。咪以為佢得個講字，尋日佢獲母校港大頒發名譽院士，咁威水嘅時刻，佢都無特別置新衣，反而隆重其事戴番條「古董」呔。林超英呢條係六十年代嘅港大校呔，嗰個年代大學行精英制，有呢條呔係身份象徵；今次黑英戴住佢再被扑頭，別具意義之餘又夠晒環保。
黑英早前獲頒「特許氣象學家」榮銜，證明佢喺氣候方面絕非小角色，不過佢就謙稱今次獲母校頒授名譽院士，係早嚟嘅禮物，有啲意外，覺得母校好睇得起自己，事關佢諗住要到老啲先有得攞喎。不過攞多個榮譽同佢嘅環保生活無牴觸，相信黑英都唔會介意，而且佢覺得物質唔代表快樂；即使觀鳥，佢都唔會用超貴望遠鏡，仲唔會影相添，貫徹環保到底。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
