政情：劉延東籲常秘熟習國情

獲劉延東接見，可以話係呢班常秘今次上國情研習班最重要嘅其中一課。俞宗怡見過劉延東之後話，研修課有啟發性，希望今後有更多機會到內地訪問，了解國家最新發展；佢又引述劉延東，讚揚港府處理菲律賓人質事件反應迅速。

俞宗怡又話，公務員事務局過去二十年為員工提供唔少認識國家嘅研習課程，今次有十五個常秘一齊去，係唯一一次，比較難得；佢又強調兩地官員互訪係過去二十年來不斷舉辦嘅活動，所以唔擔心影響公務員中立性。

特區政府常秘職級全屬最頂層嘅公務員，今次十五名常秘齊齊北上研修國情，簡直係「超級遊學團」。佢哋下一站係到上海，與市政府官員及世博會事務協調局官員會面，順便參觀上海世博。