演而優則導相信係唔少藝人嘅出路，而人氣金髮四仔艷星Samantha Ryan，就係其中一分子。不過Samantha並唔甘心只係做個鹹片導演咁簡單，具有雄心壯志嘅佢，希望能夠成立一間極具規模，並網羅最多四仔女星嘅製作公司。
撰文：阿豪
人氣金髮四仔艷星Samantha，年屆三十二嘅佢入行已經有六年，靠俏麗嘅容貌同高挑嘅身材，呢幾年搵咗唔少錢。不過佢唔似其他女星咁做大花筒，反而留番啲錢作為為未來投資之用，而佢最想做到嘅係喺未來五年內，開間大型四仔製作公司。Samantha解釋：「依家四仔界受到日本AV市場影響，艷星嘅年紀愈嚟愈年輕，好似我呢啲年紀嘅女星，遲早會被市場淘汰。為保生存空間，一定要搵個辦法發圍。」
為咗達成呢個目標，Samantha近年開始手執導筒，拍下唔少叫好又叫座嘅四仔，不但令佢賺到盆滿缽滿，仲學到唔少製作知識及建立人際關係，難怪佢咁有自信，表示五年內可以圓夢。不過Samantha不諱言當中亦有唔少困難：「睇番以前嘅歷史，唔少退出四仔界而開設四仔製作公司嘅女星，當中可以發到圍嘅人真係寥寥可數。除咗因為佢哋嘅營商經驗不足外，仲因為缺乏資金上嘅支持。」不過正所謂前車可鑑，Samantha深知僅憑個人資金並唔能夠達成理想，於是近年不斷聯絡有意投資者，籌集足夠嘅資金開公司。Samantha笑道：「好彩有啲投資者都係我嘅粉絲，讓我喺籌集資金上少咗好多困難。」睇嚟阿妹開公司嘅日子應該為期不遠喇！
出生日期：1978年3月3日
身高：5呎7吋
三圍：34、25、35