政情：「坪洲人」勁寸林偉強

不過，離島區議會秘書處早前向本報確認林偉強有喺坪洲開過議員辦事處，除非當事人低調到冇人睇到啦！呢個「坪洲人」都好均真，一併質疑其他坪洲鄉事委員，話佢哋部分人做咗咁多年委員，帳目咁亂無理由視而不見，但依家講到咁多數唔清唔楚，難道咁就可以置身事外？「坪洲人」建議班委員攞晒啲財政報告及會議紀錄等文件出嚟面對公眾，還街坊一個知情權。