政情：馮偉華接張文教協棒

張文早排講過，佢留意接班人好耐，但有啲可造之材冇心，又擔心個會被人滲透，所以搵人都好小心翼翼。言下之意即係馮偉華都算「你辦事、我放心」嘅人啦。馮偉華係終極普選大聯盟召集人，經此一役，佢已經畀人推咗去台前嘞。

○三年城大因為政府撤資，一度想停辦以副學士課程為主嘅高級專業學院，馮偉華參與抗爭，因為咁識咗張文，之後張文仲搵埋佢入會添，自此佢喺教協好投入，仲做埋核心添。