本文重點
尋日下午約三時半，卓妮喺中環撞見中策集團主席馬時亨太太馬王培琪（Linda），同埋旅發局主席田北俊太太黃玉華（Mary），兩位靚太有講有笑。卓妮見佢哋咁開心，於是過去打招呼，原來兩人剛剛飲完下午茶！
位置適中又夠靜
Linda話，佢哋喺太子大廈廿五樓西餐廳SEVVA飲下午茶，平時都會相約喺度飲茶傾偈。揀呢間餐廳係貪佢位置適中，又夠靜，啱晒佢哋傾心事。不過Linda話，Mary好難約㗎！
卓妮知道田北俊同馬時亨交情唔錯，○五年田北俊娶新抱，肥亨都有去沾喜氣，但就估唔到兩位靚太都咁啱傾！佢哋後生時都喺美國住過，而且都係喺花旗國遇上另一半，然後返港生活，所以相信唔怕佢哋冇話題。
講番間SEVVA餐廳，係時裝界名人郭志怡開嘅，特色係有空中花園，仲可以飽覽中環靚景，開幕以來已經成為名人蒲點。
卓妮