每年萬聖節都是一班嘩鬼扮鬼扮馬四出狂歡的日子。講到扮鬼，你想到今年扮咩鬼參加萬聖Party未呢？究竟扮吸血鬼、凸眼怪、科學怪人、巫婆還是龍婆好呢？在曼谷時尚酒店VIE的同名酒吧，為了唔使客人諗爆頭，決定在10月30日晚舉行一個以妖后Lady Gaga為主題的派對，和大家歡度萬聖節。酒吧為鼓勵當晚出席的客人不論男女又或是唔男唔女都Lady Gaga上身，換句話即是要衣着、造型和化妝都夠「騎呢」兼夠妖，特設扮嘢大獎，邊個扮得最出位又最似Gaga，便可贏取該酒店豪華套房一晚免費住宿，包2人早餐及自助晚餐。此外，邊個帶得最多親戚朋友前來參加派對都會有獎，係咩獎？到時大家咪知囉。