聖誕正日做咩好？約朋友仔行街、睇戲、食飯、送禮物吧。冇新意，不過橋不怕舊，人人都受。但倫敦的Serpentine Swimming Club，今個聖誕搞搞新意思，於12月25日晨早流流9點鐘，在海德公園湖的南岸，舉行一個別開生面的100碼聖誕冬泳比賽。別以為這是個即興比賽，查實它由1864年開始至今，已有164年歷史。百多年來Serpentine泳會的成員，投入水溫低過只得2℃的湖水中，出行力咁游，真係教人醒神百倍。而岸上特設Serpentine Cafe，開放予公眾，你大可以印印腳，啖着熱朱古力，為與冰水搏鬥的泳手們打打氣。