喺職場上點樣先叫做「襟撈」？「學歷門」主角唐駿以下呢句話可能會令你有所領悟：「職業經理人要認清自己在公司永遠只能是『老二』，而董事長當然是你要磨合的人。」抱着「老二」心態扶助老闆，難怪有「中國職業經理人代表」之稱嘅唐駿可以長做長有。
內地所謂職業經理人，即係相當於受僱大公司嘅CEO，本身唔係老闆，但要管理整家公司嘅運作。內地新華都集團總裁兼CEO唐駿喺早兩個月前，因為學歷被質疑而備受輿論壓力，直至最近終於出嚟見傳媒。
好多CEO慨嘆喺公司受老闆掣肘，並無實權，唐駿回憶起對其中一個老闆咁講：「我是輔助你的，不是跟你分江山的，你不做的事情我做。」呢個就係佢嘅簡單理論，佢仲話好多人失敗係因為太過看重權力。換言之，唐駿係要教大家識得分莊閒，認清邊個係老闆。
余絲韻