人才短缺企業鬥搶
老實講，有公司畀到你加薪80%嘅跳槽條件，你會唔跳槽咩？根據合益集團嘅調查發現，唔單止喺中國，喺「金磚四國」嘅巴西、俄羅斯及印度，跳槽加薪嘅幅度與內地差唔多，有成60%至70%嘅升幅，人才嚴重短缺係主因。而內地可以畀人重金禮聘者，多數係外資企業嘅初級及中層員工。
唔少企業嘅人力資源部門都抱怨內地打工仔冇乜忠誠度，平均年資只有2至4年，眨吓眼就被人撬走咗。過去十年，跳槽已成為職場文化，而企業為咗補充人才，迅速招兵買馬，又會加入搶人大戰，導致人才以「光速」流動。查實出現咁嘅現象，企業點都要負番啲責任嘅。
余絲韻