同股神食飯學到嘢
段永平解釋，佢嘅投資理念係見平就買，唔係好受大市影響。就好似GE，佢話買嗰陣當然覺得可能會再跌，但係個價錢已經算好平，所以就買咗。咁講法，咪即係同「股神」嘅價值投資法好似？
佢又話內地都有好多好嘅價值投資者，又話之前兩次用重金買咗與巴菲特食飯嘅機會，學到嘅包括唔好做一啲自己唔熟悉嘅嘢，同埋唔好沽空、借錢。
除咗買GE大賺一筆令人津津樂道，段永平早年買網易嗰陣都一年賺咗50倍，但呢個世界永遠冇不敗將軍，佢都曾經試過受重挫。福布斯資料顯示，佢去年嘅身家就由○三年嘅10億元跌到3億元。
余絲韻