Bobby挑機子華神續集搬上舞台

歐陽震華、胡定欣、呂慧儀、劉佩玥、張穎康等昨日為無綫劇集《一屋老友記》宣傳，缺席的滕麗名被Bobby取笑已經解約故不見人，又說：「阿滕最開心依家，劇集收視好，傾續約最好，任你開。」Bobby被問會否開續集？他透露與阿滕另有想法，希望劇集變成舞台劇：「之前《男親女愛》都可以，呢套劇講屋企仲好寫，最緊要大家有檔期，同埋公司肯唔肯放版權，就算高山劇場演都好，唔係為咗賺錢，係希望將開心延續。」

約埋睇結局

Bobby不諱言經典劇《男親女愛》啟發了他：「《男親女愛》賣點係嘟嘟姐（鄭裕玲）同黃子華，我哋賣點就多囉，頭十行修哥（胡楓）粉絲包起，尾十行阿滕，中間就我包。」他指已約定阿滕一齊睇大結局，但否認賣甩胡定欣：「檔期一定留咗畀公司，等公司安排，如果公司唔搞，咪我同阿滕撐枱腳囉，再搞啲緋聞幫大結局谷收視。之前都見唔到定欣，見到一定約。」

呂慧儀手長腳長，揸機自拍零難度。	劉佩玥稱有舞台劇經驗，期待原班人馬放笑彈。	黃子華

胡定欣怕NG

未演過舞台劇的胡定欣，期待感受現場觀眾反應：「呢個提議好，以前劇集收視好開續集，我哋就開舞台劇，幾新穎喎！不過最驚係Bobby爆肚，平時都已經招架唔住NG，如果喺舞台NG點算？真係要考執生。」定欣兩套主演劇集包攬收視之冠，她說：「好榮幸一線劇冠軍《公公出宮》我都有份，接住就上《城寨英雄》，我唔怕自己打自己o架！」至於劉佩玥亦希望舞台劇成事，因她讀書時曾演舞台劇，更幾乎考入演藝讀書。

文：影視組