何韻詩昨日現身書展打理自家品牌的攤位，今年她推出的遊記再次由自己發行，更表示一早放棄找發行商：「我嘅個性就係如果要求人或者屈就自己，不如自己創一條路出嚟。」她又指會繼續做出版工作：「我一直都係用自己嚟做實驗，無論出書、唱片、做騷都係，如果work嘅，都想畀多啲渠道其他人。我嘅終極目標係想幫人出書或者做騷。」
