老公冇得睇?陳煒拍劇犧牲全相

曾在劇集中裸背演出的人妻陳煒今次在《我》劇亦大犧牲,有全祼出浴鏡頭和雨中被打劫只穿底裙的場面,十分賣肉,昨日披上白色婚紗宣傳的陳煒被拍檔吳岱融抱起,顯示出對方有心有力。

陳煒指戲中除了摑吳岱融,拍全裸出浴鏡頭都很賣力:「我畀翠如睇晒!(真全裸?)有遮掩,但影我正面,又有雨中被打劫得番底裙。」問到可擔心在台灣工作的老公看到後會詐型?陳煒在電話回覆說:「性感尺度係我自己定,過到自己就得啦,老公好相信我!(當播出街時可能冇眼睇?)事實上佢都睇唔到!因為佢都唔喺香港,點會睇到呢!」

提到同為亞視出身的田蕊妮及江美儀等都在無綫發圍,陳煒表示大家磨練一段日子,睇到大家有成果感高興,自己有捧田蕊妮場睇《迷》:「佢同個女嗰場好犀利!」