與洪永城動作連場 傅嘉莉理性衝動咀戲冇尷尬

無綫藝員傅嘉莉在劇集《我瞞結婚了》飾演硬朗的環保分子及潛水教練，因而剪短由細留到大的長髮，新形象相當清爽。可是劇中感情關係糾纏不清，她被人夫洪永城隱瞞，並有酒後意亂情迷、發生親熱激情場面。傅嘉莉與洪永城已是第三度合作，她形容咀戲是「動作畫面」：「其實拍之前排練過對晒位，冇任何感情，只係理性動作，大家都好專業，唔會尷尬。」

最好的值得等待

劇中被欺騙感情的傅嘉莉，問到現實可有不幸遭遇？她笑說：「希望我唔知，暫時冇，如果做到我唔知都OK o架，知道真係會幾傷心。（有冇試過一腳踏兩船？）我絕對處理唔到，實有破綻，男仔或者可以對幾個女仔有好感，但女仔就唔得，一鍾意就係嗰個，一腳踏幾船難分配時間，又要左瞞右瞞，講大話係一門高深學問。」

單身多時的傅嘉莉笑言現時與TVB拍拖及結婚：「有男仔追，係慢慢先知佢對我有好感，幾年來仲可以保持到，真係長情又真心，但感覺開始變為朋友，可能雙方都唔捨得咁舒服嘅朋友關係，所以未能再進一步，好似好多劇想帶出嘅訊息：最好嘅永遠值得等待。」她又指將來的男友眼中只能有她，現時拍劇感覺一下就好。

傅嘉莉與洪永城在劇中有不少親熱場面。	傅嘉莉與洪永城酒後咀嘴，拍前有排練過。	傅嘉莉自言絕對處理不到一腳踏兩船。

採訪：影視組

攝影：劉智源

髮型：Ray Mork @ Fifth Salon