謝安琪露宿者上身唱爆橋底
謝安琪（Kay）前晚在馬灣舉行音樂會，邀得盧冠廷、陳柏宇（Jason）及組合農夫等擔任嘉賓，由於演唱場地在天橋底，Kay笑言有露宿者的感覺：「入嚟綵排嗰陣覺得呢度畀我好自由自在嘅感覺，覺得生命好奇妙。」她非常期待與盧冠廷合作，更希望對方可以為她寫歌。
首次與Kay合唱的Jason，直言心情緊張，對於今年四台聯頒決定取消，他不認為可惜：「呢個係時代變遷，公司之間有唔同嘅問題，冇咗四台聯頒，遲啲可能有其他嘢呢，最緊要有得唱！」Jason的唱片公司是HKRIA成員，他冇考慮過取消聯頒是否較公平：「依家時間尚早，我唔想畀壓力自己。」
台灣落地生根
另外，Kay昨日再到台灣為新碟《第二個家》舉行發布會，唱片公司為令她在台灣有「家」的感覺並「落地生根」，送上麻辣火鍋及寢具，令Kay又驚喜又感動！本周五她將在台灣舉行首個小型音樂會，屆時獻唱新歌及她喜愛的英文歌，誓要歌迷「聽到夠本」！
文：音樂組