筱靖咪咪捱冷剝出病

筱靖早前與「美少女廚神」文紫玲齊齊參與亞視遊戲節目《財神到》，二人每集都是BraTop上陣，分別擔當節目中兩位天使和魔鬼之禮物女郎，筱靖曾埋怨公司給她的BraTop少布得可憐，怎料她真的因着得少而「剝到病」。

醫護人員為筱靖探熱。	擾攘一輪，筱靖自行到櫃台登記。	一臉病容的筱靖坐着輪椅從病房中出來，我見猶憐。

急急腳攞藥走

從外國返港的筱靖，雖然不介意性感上陣，但卻遭亞視「物盡其用」，因着得太少布令「咪咪」吃不消，更患上感冒。記者日前發現她獨個兒出現醫院急症室，門口的警員見她有點暈，除憐香惜玉地為她安排病人輪椅之餘，又講解見醫生的登記手續，對於筱靖來說猶如遇上引路明燈。

經一輪擾攘，筱靖終摸清睇急症的步驟，因為流感肆虐，她到櫃台登記時就急急戴上口罩。醫護人員對筱靖的病情似乎相當緊張，為她探熱後竟着她坐上輪椅，又有醫護人員為她詳細講解病情，似乎病得頗嚴重。不過，她講了好幾個電話後便急急取藥離開醫院。

趕開工拒留院

事後記者致電了解，筱靖表示：「我一個人住，嗰日病到好暈，驚一個人喺屋企出事都冇人知，穩陣啲咪睇急症，醫生叫我留院觀察，之後公司Call我要準備起程去大陸拍嘢，我咪同醫生講攞藥返去食就算。其實日日都着得咁少，我已經冷病過好多次，但今次公司安排我拍資訊節目，唔使性感，我即刻接啦！」

文：影視組　攝：林楠