胡定欣SM坐髀色誘黃長興
舊「五虎將」中的苗僑偉和黃日華在《刑警》暗鬥，爭獎鬥高人工，不過未及劇中胡定欣的性感SM Look挑逗黃長興場面搶鏡，定欣稱大膽意識算是她從影以來最激，身經百戰的長興都笑說定欣好吸引，就連監製看片後都對其色相另眼相看。
胡定欣在無綫新劇《刑警》演臥底差婆，為捉拿色魔黃長興，竟以身犯險，以性感SM Look大擺誘惑甫士色誘演攝影師的黃長興。拍攝前，導演提供很多性感相給定欣參考挑逗甫士，定欣則表示雖與鬼仔性格的黃長興熟落，惟拍攝時需面對廠內很多男性工作人員，故大感尷尬，定欣說：「我同長興跳過舞，有過身體接觸，我對佢好信任，所以唔怕，但廠內其他人我就尷尬囉，不過導演都好幫我，事前傾之餘亦幫我準備充足，其實唔只性感咁簡單，而係個意識好大膽，拍前我都要時間衝破心理關口，到正式拍我要飲酒放鬆，效果都好滿意。」
飲酒壯膽
與定欣分屬老友的長興，來自法國當然熟練調情技巧，他自爆教定欣飲酒壯膽來挑逗自己，問他有否心動？他說：「佢咁靚女梗係吸引，係我叫佢豁出去演，但我係以工作為先，全無歪念。」
此外，有指黃日華眼紅苗僑偉人工高他一倍，還死纏無綫要攞「視帝」。苗僑偉表示不知黃日華有幾多人工，並笑說：「佢係新人，話晒我都做多佢幾年，人工高少少唔係唔得呀？（黃日華殺上去搵樂易玲爭獎？）佢冇同我講喎。」黃日華、樂易玲截稿前則未有回覆。
文：影視組