徐濠縈私奔戀戰
去年社交界大新聞，非名媛趙式芝宣布出櫃莫屬，她遭父親趙世曾出招，以5億招婿為女兒搵對象，試圖拗直女兒。
其實圈內繼黃耀明、何韻詩先後出櫃，證明獲得至親接受，的確很重要。假設你是一位同性戀者，但不為父母接受，如何是好？前Cookies成員楊愛瑾妄想瞞天過海，要求另一半假扮男人；徐濠縈揚言會捍衞自己，甚至會私奔；反而女神岑麗香和謝婷婷則以和為貴，認為始終是一家人，會明白自己。
時裝預展
徐濠縈：「自己係反叛派，一定係會離家出走，威脅佢哋，會同伴侶私奔，從來覺得生活呢條路係自己，唔會因為佢哋反對，而唔過自己生活。」
Lancome澳門專門店開幕
楊愛瑾：「我會用誠意打動屋企人，或者叫對方扮到似十足一個男仔，嘗試瞞天過海，仲會叫佢行為man啲，皮膚唔好咁靚。」
岑麗香：「同爹哋媽咪要建立open relationship，尊重佢哋，都會對自己誠實，尊重自己意願，所以要同父母好open咁去傾，好好溝通。」
《電視台活動》
鍾采羲：「如果同屋企人傾完，佢哋都唔明，我都冇辦法，再下一步惟有隱瞞，唔想屋企人唔開心。」
馮鎵瀠（o靚模）：「我唔會理屋企人，只會理真愛，我以前讀女校，唔抗拒同女仔一齊，家人反對嘅話，我會對抗到底。」
朱古力藝術展＠海港城．美術館「皇帝的盛宴」
江若琳：「會同父母講吓，佢哋應該會明白，不過我自己父母好傳統，我直頭唔敢諗。」
彩妝活動
林欣彤：「父母都係想我開心，我會用時間證明，會同佢哋講，呢個係我最開心嘅選擇，佢哋應該明白嘅。」
Nancy Gonzalez專門店開幕
關心妍：「我會忠於自己嘅人生、自己嘅選擇，唔可以為別人而活，用時間去改變家人。」
謝婷婷：「始終係一家人，最終都會明白自己，我最憎人話同性戀係病，佢哋可能係天生，而且感情嘅事，應該由自己作主。」