問：雖然話家陣內地打緊風，但小弟因為細佬勁谷氣，一於以死士姿態北上食個飛機餐。去之前先打電話畀個相熟嘅經理「問天氣」，佢話呢兩日都冇事發生，於是我即刻飛撲過去。正當我享受完推油，諗住起機之際，技師突然收到電話，然後就擸埋手袋走人，並叫我快啲換衫走人，我心裏即刻湧起不祥嘅預兆，即刻起身衝去更衣室換衫，埋單兼閃人，全程唔使一分鐘。當我行出門口唔夠五步，就見到幾個便衣同公安衝咗上去，真係險過剃頭！唔知幾時先至打完風呢？
答：老實講，呢場風可謂近年打得最勁同打得最認真，絕對係色途老馬嘅噩夢！有別以往嘅颱風，呢場風除咗係為咗亞運整頓市容，亦為咗整頓社會風氣，故此有機會完咗亞運後都繼續打。不過話雖如此，但夜場要搵食，囡囡亦要開飯，因此唔少夜場仍然偷偷哋做生意，情願博一博好過食西北風，故此唔少夜場都仍然會開檔，但玩家最好喺出征前問定天氣，同埋做好走鬼嘅心理準備，知冇？
撰文：阿豪