所謂齊心就事成，內地色情行業現時經營困難，既要面對同行競爭，加上近期嚴打，夜場老闆的確冇啖好食。但原來湛江地區嘅髮廊街，晨早已開始玩聯營制，有錢齊齊搵之餘，仲可以互通消息保平安！
為避過嚴打，各路嫖友夜遊繼續北移，近期最多人談論可算係湛江地區，由於近年積極發展，酒店配套設備應有盡有，相信不久會成為另一個東莞。難怪車程雖遠，本地亦有玩家要組團開發，更有玩過嘅師兄表示，當地囡囡優質，且經營者老實，令玩家投下信心一票！
老鄉係湛江嘅阿禮，於當地有田有地出租，經常要往返視察及收租，因此對當地非常熟悉，更少不免到夜場觀摩。據阿禮話，喺當地酒店夜總會玩非常唔划算，事關當地不少廠商老闆愛體面，肉價太低根本睇唔起，因此夜場要刻意將肉價提升，連帶一般貨色嘅囡囡都要過千，再加上枱面酒水，埋單非常乸脷！
但另一邊髮廊玩法則實際得多，當地髮廊街明碼實價，本地人一百二十，講普通話者收一百五十，外國人一律三百元有交易。阿禮話：「入到『木人巷』毋須講價，係唔係本地人雞頭一眼就睇得出，至於老外更加唔使講，因為嘥士惡啃，肉金貴一倍之餘雞頭仲會逼佢起雙飛，劏到一頸血！」
當地髮廊街約有數十檔，競爭激烈，但據阿禮解釋當地從來冇出現過搶客紛爭，相反各檔相處融洽，愈做愈起朵。「由於髮廊老闆都係鄉里，大家會一同合作做生意，雖然每一間舖不超過十個囡囡，但各店互通，人客進入任何一間，假如搵唔啱心水囡囡，隨時可要求隔籬檔嘅囡囡入內挑選，非常方便！」
阿禮當日同兩位嫖友進入一間稍為有規模嘅髮廊，不過所見小姐都不合心水，老闆娘於是細問他們需要怎麼樣的小姐，之後，對方打個電話，未夠十五分鐘即有另一批囡囡到場，佢哋揀咗三轉，卒之揀到啱心水貨色。唔使多講，三條肉蟲各自登上二樓房間準備風流，阿禮更發現，房間內不僅有浴室，仲有水床。之後就同囡囡在床上翻雲覆雨，而囡囡服務水準亦不錯，令阿禮等人倍感意外。完事後，阿禮細問對方，方知呢度聯營方式有板有眼，據講小姐出台費是一百五十元，此處店主佔二十元，接載囡囡司機佔十元，五十元係小姐原來所屬髮廊，最後七十元則為囡囡淨袋收入。
湛江髮廊街玩聯營搞到有聲有色，最近更傳擴展到酒店揀女。根據玩家指出，當地結合摩托車隊，於酒店拉客，假如人客有需要，可安排囡囡上門挑選，而司機每次載小姐到酒店，每位可獲兩元，假如人客收貨更額外打賞十元，所謂山大斬埋有柴，每月分分鐘上千元收入，好過不少打工仔日捱夜捱。
撰文：祖