最近同個新相識女友去大梅沙戲水，點知佢叫我黃昏六時去接佢，我心諗太陽都落山，仲去游水？唔通佢要我同佢去海灘打野戰！於是準時六時去接佢，齊齊坐巴士去到大梅沙，嚟到都快八點，點知一沙灘都係人，比日頭仲要人山人海。
除咗沙灘坐滿人，海裏面企滿人之外，連海灘嘅邊邊位都逼滿晒，有人打波，有人燒嘢食，仲有人喺度開騷，大玩流行音樂，由於音樂強勁，自然吸引大把三點式靚女喺度又叫又跳，氣氛好似去派對咁樣，一直玩到十一點仍然人潮不減，而且仲愈嚟愈多人。原來一啲做銷售業嘅朋友，八九點後放工，亦會趕入嚟游夜水，佢哋入得嚟玩就預咗玩通宵，但點瞓呀？女友話可以租個帳幕，唔使席天幕地，於是用成百蚊租咗個帳幕。咁都好！玩攰咗可以同女友喺裏面，做乜都冇人知。
撰文：大軍