政情：港台停播BBC 陳建強：唔影響編輯自主

轉播內容上網都搵得到

陳建強喺節目中話，對新聞機構因報道假新聞而遭禁止喺中國境內廣播表示支持，認為港台唔再轉播BBC嘅頻道唔會影響新聞自由，對港台嘅影響亦都不大。佢話港台轉播BBC嘅內容，其實上網都搵得到，相關嘅資訊亦可以喺本地各媒體上刊載，所以唔轉播都影響不大。佢又話事件同香港冇直接關係，呼籲香港媒體唔使擔心，亦唔會影響香港媒體嘅新聞自由。

出席同一節目嘅學者就話，港台第一次跟隨廣播電視總局嘅決定，難免有人對此感到不解，而港台開咗咁嘅先例，同時都應該向公眾解釋相關理據，以釋除公眾嘅疑慮咁話喎。