立法會財務委員會早前通過向海洋公園撥款五十四億元救亡，唔少人都批評海洋公園嘅管理層管理不善，包括唔聽員工意見。最近仲有員工爆料，話十年前曾經同高層建議用虛擬實境（VR），不過就因為係新科技所以被拒諸門外，最終變成跟人尾，搞到公園冇新意兼老套。雖然今次撥款喺爭議聲中獲通過，但如果商務及經濟發展局局長邱騰華以及班管理層都依然係意見接受、態度照舊嘅話，真係多多錢都救唔番喇！
