政情：DQ本土派成名 陳婉雯離任民政專員

曾DQ劉頴匡嘅沙田民政事務專員陳婉雯（圖）今日離任，由黃展翹接任。

黃展翹接任 須改善與區會關係

政府喺二○一六年增設確認書制度，當時新界東已發生過DQ事件，負責DQ嘅係前沙田民政事務專員何麗嫦，而陳婉雯就喺同年年底接替何麗嫦。陳婉雯上任後亦曾DQ參選人，之後就收到恐嚇信。陳在去年區議會選舉完結後，更被指拒絕與沙田區議員溝通，其後更多次在區議會上爆發爭議，被批評冇履行民政事務專員職責。

• 黃展翹

接任嘅黃展翹，根據政府新聞處公布，佢曾喺多個政策局及部門工作，包括民政事務局、運輸及房屋局、保安局、政務司司長辦公室等，唔知佢上任後同區議會嘅關係會唔會有所改善呢？