政情：疫後最想去英國 莫嘉傑恨補影畢業相

話說呢期好多人都會喺社交網站上載番一啲旅行嘅舊照，話當係「望梅止渴」喎。曾入稟覆核梁頌恆同游蕙禎議員資格嘅創建力量社區主任莫嘉傑（肥仔傑）都好掛住去旅行嘅日子，不過就會乖乖等全球疫情平復先再去，覺得咁樣對大家都有保障喎。咁早排有旅行社推內地團，會唔會都心郁郁想參加呢？肥仔傑就話想去多次海南三亞玩吓，原來佢之前去過兩次三亞o架啦，仲話「唔好睇我肥啊，其實我都好鍾意陽光與海灘o架」。