近期經濟咁差，好多人覺得前路茫茫，人生冇晒希望。不過，身為香港人有咩風浪未見過？千祈唔好畀人睇死，一於頂硬上，又或者可以學吓大原優乃，皆因阿妹年紀輕輕已跌過落失業谷底，家陣已成功翻身！
師傅成日同我講，做人最好圓潤一啲，千祈咪對住人起晒槓，咁先唔會四面樹敵，搞到自己中暗箭都唔知。咁又係，圓圓潤潤又真係好得人鍾意，近期人氣高企嘅妹系巨乳女神大原優乃就係最好例子！今年20歲嘅優乃，人如其名：第一，個胸夠晒大，胸前對F Cup大肉彈，又圓又挺又夠彈力，絕對係優質大奶；第二，阿妹塊面亦圓碌碌，青春可愛又夠天真，加上成日笑容滿面，喺寫真演出中展現出陽光氣息，難怪優乃家陣喺寫真界如此受歡迎，經常成為雜誌嘅封面女郎！
大原優乃年紀小小就以童星身份踏足藝能圈，其中一個重要發展階段就係成為咗美少女組合Dream5嘅成員，當時Dream5主打青春活潑，成班妹妹仔又唱又跳，吸引到唔少觀眾支持，唱過唔少知名動畫歌曲，更曾經喺日本年度盛事NHK紅白歌合戰演出。後來Dream5因為受到不同原因影響，宣布解散！優乃坦言解散之後，失業咗半年，冇得再上舞台表演，係佢人生最黑暗嘅日子，心情幾近崩潰！
幸好，優乃冇就此放棄，好快就重新振作，並向演員同寫真女優之路進發，實行雙線出擊！阿妹亦憑住驕人身材同甜美樣子爭取到廣大觀眾支持，更加贏得唔少獎項，包括喺2018年封面女郎大獎奪得最高獎，上年喺黑髮美人大獎中亦奪到冠軍，喺剛過去嘅3月份又喺封面女郎大獎拎到個漫畫雜誌獎，認真叻女！
大原優乃除咗係寫真圈嘅當紅炸子雞，喺電視圈一樣好活躍，想知道優乃最近拍過乜嘢電視節目，不妨留意佢嘅社交網。
網址： https://twitter.com/yuno__official
年齡：20歲
身高：5呎1吋
三圍：34F-23-33
撰文：賢