各區爆發示威衝突，交通癱瘓，教育局尋日宣布今日繼續停課。老實講，自上周四起，今日已經係第三度宣布停課，正如政府高層當日死撐話唔可以停課，否則會跌入圈套，咁局長楊潤雄就已經墮入第三次圈套，簡直醜死人。示威浪潮未停過，楊潤雄明顯就係見步行步，班家長同學生就日日喺度望天打卦，復課同停課都係估估吓，根本係政府錯判形勢，但就玩殘班家長同學生，好明顯政府嘅面子大過天呀！
