上下齊心再鬥柬埔寨 港隊搶開齋繼續撐！
「2022卡塔爾世界盃暨2023中國亞洲盃聯合外圍賽」C組分組賽，今晚8時於香港大球場上演，主場的香港迎戰柬埔寨。雙方分組賽仍未取得首勝，港隊在首循環作客柬埔寨遭逼和1比1。今日一戰，眾將定必施展渾身解數，務求擊敗對手！（Now 633、635周二晚8時直播）
擁主場之利的香港上場憑藉球員上下一心，守和強敵巴林，取得分組賽第2分。今仗重遇首輪對手柬埔寨，主教練麥柏倫（Mixu）表示：「雖然球員上場消耗咗好多能量，但經過過去幾日嘅恢復之後，目前狀態唔錯，我哋準備好去踢今場比賽，希望把握到入球機會，然後贏波！」
羅素：幾多人入場都要攞3分
對手柬埔寨曾在分組賽以0比14慘敗給「亞洲一哥」伊朗，但Mixu明言不容忽視：「雖然柬埔寨畀伊朗大炒，但係佢哋速度好快，擅於利用傳球製造攻勢，我哋喺操練入面都演練咗相應嘅戰術。首循環對柬埔寨，球員啱啱開咧狀態一般，依家佢哋狀態比之前好，不過最重要係，球員要喺自己嘅崗位為球隊貢獻，希望今場取得正面結果！」人腳方面，上輪停賽的左閘丹尼今場刑滿復出，惟前鋒辛祖早前在操練時受傷，令前線少了一名射手，但Mixu認為影響不大，會在戰術、陣式等方面作微調，但強調球隊方向不會改變。
上場對巴林的一戰，香港大球場錄得4,541名球迷入場支持，對比伊朗一役少9千多人，球隊中堅羅素表示：「雖然上場入場入數少咗，但氣氛依然好好，對球員嚟講，最重要嘅反而係球迷嘅安全，我哋會盡全力去攞晒3分！」
柬埔寨方面，主教練達馬斯出席記者會時透露，球隊備戰良好，尤其上場友賽蒙古有寓賽於操作用，有助球員提升狀態和決心預備今仗。達馬斯又聲稱，球隊沒有因被伊朗大炒影響士氣，球員堅信戰術，相信今場一定會做得更好。談到港隊今仗徵召了上場對賽無入選的前鋒基奧雲尼（Gio），達馬斯自言有觀察過Gio的比賽，形容他是位優秀球員。
圖/文：陳焌鏗、黃雋謙