反修例嘅激烈持續咗超過四個月，旅遊業係重災區，商務及經濟發展局局長邱騰華尋日宣布推出「旅行社現金鼓勵計劃」，按旅行社接待旅客人數發放每人一百至一百二十元嘅現金資助，每間旅行社最多可獲六萬元。嘩！真係多謝晒，資助雞碎咁多，原來仲係用嚟鼓勵旅行社員工多勞多得，但係依家冇旅客，旅行社拍晒烏蠅，試問點吸客呀？真係靠政府就死得，邱騰華係咪根本唔想畀錢，所以諗埋呢啲屎橋呀？
