持續逾四個月嘅反修例激烈衝突，打殘香港經濟，多個行業嘅打工仔飯碗不保，甚至影響到最低工資嘅檢討，而檢討唔一定上調，可以出現凍結同下調。老實講，政府喺巴士同港鐵等實施「可加可減」機制，被譏為「只加不減」機制，令市民捱貴車費，但最低工資係保障基層勞工，本身已經追唔上僱員嘅生活水平，再下調嘅話真係慘上加慘，勞工及福利局局長羅致光再係當睇唔到，翹埋雙手唔做嘢嘅話，只會再令民憤大爆發，到時唔知點收科？
