政情：沈運龍杜拜睹風雲色變 嘆問香港何時再見青天
呢排香港紛紛亂，就算身在外地都有啲唔自在。好似有「中東王子」之稱嘅香港珠寶製造業廠商會榮譽主席沈運龍（Aaron）近日就去咗杜拜，喺屋企曬完太陽鬆一鬆後，尋日就揸車去富查伊拉，途中仲風雲變色添！
揸車遇大風沙 30分鐘後轉晴
Aaron喺社交平台上載咗幾段短片，都係揸車期間遇到嘅情況。佢話喺三十分鐘內天氣變幻無常，由密雲到傾盆大雨、水浸馬路，跟住突然停雨兼刮大風沙，覆蓋馬路面，瞬間又變藍天白雲。
遇到啲咁嘅情況，佢慨嘆世事真係變幻無常，又話香港由一個最安全嘅城市變成最危險嘅城市，仲問究竟乜嘢時候再見青天？聽到佢咁問，真係唔知邊個可以答到佢。