港隊周四世盃征伊拉克 麥柏倫︰要做好防守

將於本周四晚出戰「2022卡塔爾世界盃暨2023中國亞洲盃聯合外圍賽」,作客對伊拉克的香港隊,昨日假將軍澳足球訓練中心進行出發前唯一的操練。港隊主教練麥柏倫(Mixu)慨嘆備戰時間太短感到遺憾,而且能夠做的並不多。

當地局勢同樣受關注

港隊昨日完成操練及用膳後便前往機場,先飛抵多哈,隨後再轉機到巴斯拉,由於舟車勞頓或出現疲態,「Mixu」表示今日會讓球員進行強度較低的操練,並先專注在戰術上。對於伊拉克目前持續出現反政府示威,多場衝突釀成近百人死亡及逾數千人受傷,麥柏倫表示從伊拉克足總人員所收到的消息,巴斯拉的情況尚可,而國際足協及伊拉克足總亦會監察當地情況。

夏志明因傷榜上無名

港隊今次23人決選名單中,之前獲麥柏倫點名稱讚的夏志明榜上無名,「Mixu」解釋︰「夏志明好不幸受咗傷,佢係我哋隊中好重要嘅一員,佢喺9月兩場分組賽都打得好好,但上周五佢打電話畀我話受咗傷。」對於富力R&F前鋒基奥雲尼亦落選,麥柏倫表示不排除將來會給予他機會,並強調今仗要求球隊專注好防守︰「基奥雲尼係個具有埋門能力嘅前鋒,呢幾年亦有唔少入球,但係今場波比較適合穩守突擊,所以將名額畀合適嘅球員。伊拉克擁有好多快速、高大同強壯嘅球員,雖然同伊朗相似,但水準未到頂尖,估計佢哋今場會保持控球在腳,加上前鋒快之餘亦有技術型嘅翼鋒,所以我哋會有好多防守工作去應付,因此要了解對方嘅長處,希望踢場好嘅比賽。」

圖/文:何彥霆、陳焌鏗