立法會主席曾鈺成相信係最推崇政治上旋轉門嘅其中一人，不過有份創立嘅民建聯○八年推薦入政府嘅幾個問責官員做成點，相信佢都心中有數，佢上星期仲喺該黨嘅路向營話，推薦黨員入政府係頭腦發熱。佢尋日無答教育局副局長陳維安係咪去做立法會秘書長，但就話應積極對待「旋轉門」制度。其實佢理想中嘅制度，係有關人選透過轉入同轉出旋轉門，政治質素有所提高，如果只係方便佢哋搵工跳槽，咁旋轉門旋得幾頻密都好，對社會大眾又有乜好處呢？
