旺角行人專用區殺街後，啲大媽歌舞團散咗落鄰近嘅油麻地，令到附近居民苦不堪言，點知政府早前宣布推行「香港好•易行」政策，運輸署話會以中環及深水埗為試點，其中中環試點包括蘇豪區一帶，將喺合適位置同時段設立行人專用區，惹起區議會反彈。老實講，運輸及房屋局局長陳帆根本無吸取教訓，依家幫啲大媽歌舞團進佔中環，將中環變成旺角嘅翻版，將噩夢延伸到另一區嘅居民，梗係鬧爆陳帆喇！
