中環出更：解密檔案 踢爆李柱銘早撐港獨

有報道指英國國家檔案館最近解封一批由一九九○年至一九九三年嘅檔案，當中包括關於香港政局、新機場爭議嘅機密文件，並引述文件指李漢奸早於一九八五年循功能組別進身立法局，而民主派喺一九九一年嘅立法局直選中，十八個議席贏咗十六個，新立法局更敢於發聲，令中方覺得受威脅。當時就有一名香港政界重量級人物會見英國高官，並指出英政府對李印象非常和藹，甚至覺得係扶植李。

而有關官員當時就指出，唔想用任何行動限制李漢奸，更希望李可與中方聯繫。而當時該政界人物就認為，李基於中國可能出現轉變，可能會諗港獨係一個選項。

辯稱唔明睇法何來

李漢奸回覆傳媒話，唔明點解該政界人士有咁嘅睇法，又話佢曾擔任基本法起草委員會委員，而《基本法》就係建基於一國兩制，佢從來都唔認為港獨係一個選項。雖然佢唔認自己撐港獨，但空穴來風，事出有因。佢經常四出「唱衰香港」，畀人呢個印象都唔出奇喇！

卓妮