政情：今日你上鏡：影到背後泛民示威牌 田北辰被迫「離席」抗議

會議開始時，主席梁君彥已經留意到，民主派議員尹兆堅同范國威（Gary）枱頭放咗印有特首林鄭月娥樣嘅紙牌，要求兩人放低。Gary就拗點解唔畀佢擺，梁君彥坦言個牌阻住佢睇後面有無人，堅持要佢放低。

怕外界誤會 行出走廊發言

去到下午嘅時候，坐喺Gary前面嘅田北辰發言時，田疑收到訊息提示，立法會直播鏡頭影到佢同背後嘅示威牌，擔心引起外界誤會，田即向代主席李慧琼要求將紙牌收起。但Gary堅持唔肯，田就毅然決定離席抗議，行到走廊位繼續發言。