財爺陳茂波早前發表新一份財政預算案，又被炮轟做守財奴，畀市民鬧到拆天，先跪低派四千蚊。唔少立法會議員尋日亦鬧爆勞工及福利局，點解只有三十六萬名學生獲發一次過嘅二千五百蚊津貼，仲問庫房水浸，點解政府唔洩洪？要求政府向全港學生派津貼，紓緩家長開學嘅經濟壓力咁話，但係與會官員只係重申向有經濟需要嘅學生先派。老實講，整個政府都係同一鼻孔出氣，羅致光當然都係一樣咁孤寒，撳住荷包唔肯畀喇！
